هذا الجن يالحديثات

ليالي الثلاثاء ديسمبر 21, 2010 4:51 am

هذا إلجن يالحديثات
*****
تعال وشوف أطباع البنيه
اللبس برلون والشامه اصطناعيه
*****
تعال وشوف بالوتنه التذب افتوك
بأوربا عبالك من تطب للسوك
يانسوان هذا اللبس عيب ايلوك
بالملبوس وحدتجن فرنسيه
*****
بنات هذا الوكت باللبس متمدنات
لبس كعب علي وذبن الفوطات
أخاف أحجي ويكولون الحجي سختات
لا ... أحجي وأقصد أسطور شعريه
*****
يابو فلان عدنه بزمان الراح
خزامات فضه وحجل أبو المفتاح
وتراجي وخضرمات وثوب أبو المرواح
وهسه راح كل ذاك وأهاليه
*****
كبل جرغد وفوطه وثوبهن للكاع
وكل ردن اتشوفهه يزود جفهه اذراع
كبل هذا الحجي لو ينعرض ينباع
وهسه اليشترون (2 %) اثنين بالميه
*****
ودباصرني على هذا الجيل يابو فلان
شوف الله اشخلك من نسوان
فوك من الركب لبس هل فستان
ونظارات للكشخه الثقافيه
*****
نظارات وسبح طرز ممتاز
وفتحه من الصدر والجوه كله ألماز
وبكل يوم وحدتهن على البزاز
تكعد سافره ومن غير بوشيه
*****
والأخس والأتعس من كل هاي
الأبو يكل للبنت ثوبج طويل إهواي
وأنت طالبه ومن تكصريه أشواي
حته منظرج يتلايك أشويه
*****
تعال وشوف أطباع البنيه
اللبس برلون والشامه اصطناعيه
*****
هذا النقد على البعض من البنات الذين شوهن أعرافنا وتقاليدنا الأجتماعيه بالتصرفات المعيبه والمشينه وبدون أن يخجلن
فحماكم الله جميعاً من كل مكروه
واعطوني رأيكم ... ولو راح اتحارب من البنات !